Маслиҳати мушовир Назорати дохилимактабӣ – омили асосии баланд бардоштани сифати таълим

Маслиҳати мушовир

 Назорати дохилимактабӣ – омили асосии баланд

 бардоштани сифати таълим

     

Назорати системаноки ҳаматарафаи ба нақша гирифташуда ба роҳбарони  муассисаҳои таҳсилоти миёнаи умумӣ имкон медиҳад, ки муваффақиятҳои ба дастовардаи омўзгорону роҳбарони синфро дар вақташ дарёфт намуда, онро мустаҳкам намоянд ва ё норасоии кори онҳоро мушоҳида карда, баҳри бартараф намудани онҳо ёрии амалии худро расонанд. Назорати дохилимактабӣ кори омўзгоронро ба низом медарорад, онҳоро масъулиятшинос мегардонад, сатҳи донишро баланд мебардорад, ба таълиму тарбия такон медиҳад ва хонандагонро дар навбати худ ба донишандўзӣ, худогоҳӣ, масъулиятшиносӣ ва ахлоқи ҳамидаи инсонӣ ҳидоят менамояд. Назорат барои муассисаҳои таълимӣ дар навбати худ манбаи зарурии ахборотӣ- иттилоотӣ мебошад. Дар раванди омўзиши ҳолати кори таълиму тарбия ба директорону муовинони  онҳо лозим аст, ки вобаста ба таҳлилу санҷиш ба омўзгорону роҳбарони синфҳо, роҳбарони маҳфилҳо, роҳбарони иттиҳодияҳои методӣ, созмони талабагӣ, мудири китобхона моҳирона ёрии амалии худро расонанд.

Назорат бояд воситаи ҳавасмандгардонӣ баҳри баланд   бардоштани самараи кори омўзгорон гардад. Пеш аз ҳама роҳбари муассиса қоидаҳои педагогиро риоя кунад, таҳаммулпазир бошад, хушмуомила ва этикаи роҳбариро  риоя намояд, ба эҳсосот роҳ надиҳад.

Назорати педагогӣ аз тарафи роҳбарони муассисаҳои таълимӣ як қатор шартҳоро пешбинӣ менамояд, ки риояи он аз тарафи муовини директор оид ба корҳои таълим зарур аст:

-донистани талаботи барномаҳои таълимии ҳар як фанни нақшаи таълимӣ;

— дурнамои  назорати дохилимактабӣ;

— ба ҳар як санҷиш тайёрии ҳаматарафа дидан- чи  аз ҷиҳати назариявӣ, чи аз ҷиҳати методӣ ва чи аз ҷиҳати ташкилӣ;

— пайваста  баланд бардоштани савияи дониши касбӣ ва назариявии худ  бо роҳи худомўзӣ, иштирок дар  конференсияю семинарҳо, мизи  мудаввар, курсҳои бозомўзӣ ва ғайра;

-ба фаъолияти омўзгор баҳои дурусту амиқ  дода тавонистан, яъне ба кори омўзгор хайрхоҳона, аз рўйи таҳлили пурраи  сатҳи дониш, маҳорату  малака, маданияту маърифати шогирдонаш, иштироки онҳо дар озмуну олимпиадаҳо ва корҳои ҷамъиятӣ баҳои воқеӣ дода тавонад;

-роҳбари муассисаи таълимӣ пеш аз ҳама бояд кори худро таҳлил карда тавонад ва ба омўзгорон таҳлил карда тавонистани корашонро ёд диҳад;

-назорат ва таҳлили вай беғаразонаю холисона бошад, то ки ба иззати нафси омўзгор нарасад, ўро рўҳафтода ва дилсард нагардонад;

-аз санадҳои меъёрии ҳуқуқии соҳа огаҳӣ дошта бошад;

-назорати дохилимактабӣ бояд аз рўйи нақша, бонизом, мақсаднок гузаронида шавад, он ҳамаи  самтҳои таълиму тарбияро фаро гирад, ки ба раванди таълиму тарбия, сифати таҳсилот, фаъолияти омўзгорон беҳбудӣ бахшад, онҳо аз  натиҷаи назорат хулосаҳои даркорӣ бароварда, самти корашонро тағйир диҳанд;

Нақшаи солонаи муассисаи таҳсилоти миёнаи умумӣ ба муҳлати як сол, яъне аз 1августи соли равон то 1 сентябри соли оянда тартиб дода мешавад, ки мазмун ва шакли он чунин аст:

  1. Таҳлили мухтасари натиҷаи фаъолияти муассисаи таълимӣ дар соли таҳсили гузашта.
  2. Вазифаҳои асосии муассисаи таълимӣ дар соли таҳсили ҷадид.
  3. Кор доир ба иҷрои таҳсилоти асосии ҳатмӣ, ҷалби духтарон ба таҳсил.
  4. Кор бо кадрҳои педагогӣ ва баланд бардоштани ихтисоси касбии онҳо.
  5. Роҳбарӣ ба рафти таълиму тарбия.
  6. Назорати дохилимактабӣ.
  7. Ҳамкорӣ бо оила, аҳли ҷомеа, коллективҳои меҳнатӣ, омўзгорон, саҳмгузорон, сарпарастон доир ба тарбияи насли наврас- хонандагон .
  8. Кор бо падару модарон ва шахсони онҳоро ивазкунанда дар асоси талаботи Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд».
  9. Мустаҳкам намудани базаи таълимӣ- моддӣ, маишӣ, корҳои молиявӣ ва хоҷагӣ.
  10. Чорабиниҳои асосии ташкили педагогӣ.

Инчунин, ба нақшаи кори  муассисаи таҳсилоти миёнаи умумӣ чорабиниҳои зерин низ илова мешаванд:

  1. Кори китобхонаи мактаб.
  2. Фаъолияти созмонҳои талабагӣ.
  3. Кори муассисаи таълимӣ оид ба аттестатсияи аз синф ба синф гузаронидан ва хатм.
  4. Кори муассисаи таълимӣ доир ба истироҳату фароғати тобистонаи хонандагон .
  5. Кори Шўрои методӣ ва иттиҳодияҳои методӣ

Бояд гуфт, ки яке аз қисматҳои асосии нақшаи солонаи муассисаи таълимӣ «Назорати дохилимактабӣ» мебошад, ки ба назорати кори таълиму тарбия ҷиҳати баланд бардоштани сатҳу сифати таҳсилот, дониши хонандагон  равона шудааст. Масъалаҳое, ки  санҷида мешаванд, бояд дар ин қисмат  дарҷ гарданд, аммо ин маънои онро надорад, ки масъалаи дар нақшанабударо санҷидан мумкин нест, маъмурияти муассисаи таълимӣ ба ин пурра ҳуқуқ дорад, ки масъалаҳои дигари вобаста ба таълиму тарбияро  мавриди санҷиш қарор диҳад. Муҳимаш он аст, ки тағйироту иловаҳоро омўзгорон донанд ва аз он огаҳӣ дошта бошанд.

Бояд гуфт, ки назорати дохилимактабӣ шаклҳои гуногун дорад:

а)  назорати пурра; б)  назорати мавзўӣ, яъне як қисми кор ё як фанни таълимӣ. Ин шакли назорат бояд дар  боби «Назорати дохилимактабӣ» дарҷ гардад. Назорати графикӣ ҳам мешавад (санҷиши корҳои лабораторӣ,корҳои хаттӣ, амалӣ, саволномаҳои тестӣ, эссе, экскурсияҳо ва ғайра). Директор метавонад, бо фармоиши худ комиссияи махсус ташкил кунад. Ба он худаш ё  муовинаш  ё ягон омўзгори ботаҷриба роҳбарӣ карда метавонад. Комиссия матни диктанту корҳои хаттиро интихоб мекунад ва саволномаҳои тестиро тартиб медиҳад. Муовини директор оид ба корҳои таълим ба онҳо ҷамъомад гузаронида, вақт ва давомнокии санҷишро муайян мекунад. Комиссия пас аз санҷиш аз  натиҷаи он маълумотномаи муфассали таҳлилӣ ба маъмурият пешниҳод мекунад. Масъала дар Шўрои педагогӣ ё ҷаласаи назди директор мавриди баррасӣ қарор мегирад. Баъди муҳокимаи масъала  вай рафти иҷрои онро зери назорати худ мегирад.

Назорати кори таълиму тарбия иборат аз муайян кардани дониши хонандагон, беҳтар намудани сифати таҳсилот мебошад. Мақсади асосӣ расонидани ёрии амалӣ ба омўзгорон  аст, на танбеҳу ҷазову танқиди онҳо.

Баъди гузаронидани ин ё он санҷишу  чорабинӣ таъҷилан натиҷаашро таҳлил кардану баррасӣ намудан ба мақсад мувофиқ аст, то ки хатогӣ ё норасоӣ такрор наёбаду зуд ислоҳи худро ёбад.

Дар давоми соли таҳсил натиҷаи назорат ва таҳлили кори таълиму тарбия, сатҳи сифати таҳсилот бояд дар Шўрои педагогӣ, маҷлисҳои умуми- истеҳсолӣ, Шўрои методӣ, иттиҳодияҳои методӣ ва ҷаласаи назди директор мавриди баррасӣ қарор гирад.

Назорати дохилимактабӣ дар муассисаи таълимӣ масъалаҳои зеринро дар бар мегирад:

— таъмини иҷрои таълими ҳатмии  асосии миёна;

— вазъи таълими фанҳои Нақшаи таълимӣ;

-сатҳи дониш, сифати таҳсилот, малака ва маҳорати хонандагон;

—  гузаронидани машғулиятҳои факултативӣ, фаъолияти маҳфилҳои фаннӣ, дарсҳои иловагӣ;

— дараҷаи азхудкунии  хонандагон, суръати  хониши синфҳои ибтидоӣ;

— фаъолияти иттиҳодияҳои методӣ;

— иҷрои барномаҳои таълимӣ;

— иҷрои меъёри корҳои хаттӣ, амалӣ, лабораторӣ, экскурсияҳо;

— тарзи  ҳуҷҷатдорӣ ва ҳуҷҷатнигории  муассисаи таълимӣ;

-рафти иҷрои Барномаҳои давлатӣ, қарору  супоришҳо, фармоиши вазири маориф ва илми Ҷумҳурии Тоҷикистон, қарорҳои мушовараи Вазорати  маориф ва илми Ҷумҳурии Тоҷикистон;

— рафти иҷрои Консепсияи миллии тарбия дар Ҷумҳурии Тоҷикистон, худидоракунии хонандагон;

— ҳолати корҳои тарбиявӣ, чорабиниҳои берун аз синф;

— ҳолати тозагии синфхонаҳо, кабинетҳои фаннӣ ва риояи сару либоси ягонаи мактабӣ;

-кори китобхона, вазъи  китобҳои иҷоравӣ;

-ҳолати устохонаи  муассисаи таълимӣ, вазъи таълими фанни технология,ташкили меҳнати фоиданоки ҷамъиятӣ ва иштироки хонандагон дар он;

-истифодаи  мақсадноки вақти холии  шогирдон, тарзи ташкил ва гузаронидани  мусобиқаҳои варзишӣ;

-ҳолати рўшноӣ ва гармии кабинету синфхонаҳо дар мавсими сармо;

-вазъи бехатарии  зидди  сўхтор дар муассисаи таълимӣ;

-фаъолияти созмонҳои талабагӣ;

-ҳолати таълими фанни технологияи компютерӣ ва дониши хонандагон аз ин фан;

-дида баромадани  варақаи шахсии хонандагон ва китоби ҳаракати хонандагон (алифбо);

-санҷиши кори роҳбар-роҳбалад-коромўз, вазъи худомўзии омўзгорон;

-санҷиши ҳолати журналҳои синфӣ, дафтарҳои хаттию корӣ,  рўзномадории хонандагон;

-кори ошхонаи муассисаи таълимӣ ва ҷавобгўй будани он ба талаботи беҳдоштӣ;

-омўзиши маърифати ҳуқуқии хонандагони зинаи сеюми таҳсилот;

-омўзиши самаранокии  дарсҳои иловагӣ ва маҳфилҳои фаннӣ;

-гирифтани  корҳои хаттии маъмурӣ бо мақсади санҷиши дониши хонандагон  (интихобӣ);

-иҷрои Қонуни Ҷумҳурии Тоҷикистон «Дар бораи забони давлатии Ҷумҳурии Тоҷикистон» ва Қоидаҳои имлои забони тоҷикӣ.

Ба андешаи мо, агар назорати дохилимактабӣ аз рўйи нақшаи зерин сурат гирад, ба манфиати кор хоҳад буд:

«Тасдик мекунам»

директори муассисаи

таҳсилоти миёнаи  умумӣ

______________________

«__  »_________ с.2017

Нақшаи

 намунавии назорати дохилимактабӣ дар муассисаи таҳсилоти    

     миёнаи умумии №___ дар соли таҳсили__________

т/р Мундариҷаи кор Муҳлат Шахси

масъул

Дар куҷо баррасӣ мешавад Эзоҳ

 

1

 

СентябрСанҷиши нақшаҳои тақвимӣ-мавзўӣ ва яксоатаи дарсӣ Ҳафтаи

1-ум

Муовини директор Маҷлиси назди муовин
 2

 

Таъмини омўзгорон бо асбоби аёнӣ ва хонандагон бо китобҳои дарсӣ Ҳафтаи1-ум

 

 

Китобдор,муовини тарбиявӣ

 

Ҷаласаи назди директор
3 Муайян намудани теъдоди хонандагон Ҳафтаи1-ум

 

Муовини директор Ҷамъомади назди муовин
4 Санҷиши нақшаи кори иттиҳодияҳои методӣ Муовини директор Суҳбати фардӣ бо омўзгорон
5 Санҷиши варақаи шахсии хонандагон Ҳафтаи2-юм Муовини директор Суҳбати фардӣ бо роҳб. синф
6

 

 

Назорати дониш, малака ва маҳорати хонандагони синфҳои 2-5 аз фанҳои алоҳида Ҳафтаи 2-юм ва3-юм

 

Гурўҳи назорати сифати таҳсилот Шўрои методӣ

 

7 Санҷиши ҳолати дафтар (журнал)-ҳои синфӣ ва маҳфилҳои фаннӣ Ҳафтаи 4-ум Муовини директор Ҷамъомади назди директор
1

 

 

 

 

ОктябрНазорати кори омўзгорони синфҳои ибтидоӣ,  (ҳуҷҷатдорӣ, ҳолати дарсдиҳӣ, сифати дониши хонандагон) Ҳафтаи 2-юм

 

 

 

Муовини директор

 

 

 

Ҷамъомади назди муовин

 

 

2

 

Санҷиши дониши хонандагони синфҳои 10-11 аз фанҳои дақиқ Ҳафтаи 3-юм Муовин, роҳбари ит. методӣ Ҷамъомади назди директор
3

 

Назорат аз болои тартиби гузаронидани даври якуми олимпиадаи  мактаббачагон Дар давоми моҳ Муовин, роҳбарони ит. методӣ Шўрои методӣ
4 Гузаронидани корҳои хаттии маъмурӣ аз фанҳои з.модарӣ,з.русӣ,з.англисӣ Ҳафтаи чорум Муовини директор Шўрои педагогӣ
НОЯБРСанҷиши вазъи журналҳои синфӣ оид ба ҷамъбасти марҳилаи аввали рейтинги сифати дониши хонандагон Ҳафтаи аввал Муовини директор Маҷлиси назди муовин
1
2 Натиҷагирӣ аз ҷамъбасти марҳилаи аввали рейтинги нимсолаи якум Ҳафтаи аввал Муовин ва роҳб.гурўҳи назор. Шўрои педагогӣ
3 Санҷиши ҳолати таълими фанҳои химия ва биология дар синфҳои 8-9 Ҳафтаи сеюм Роҳбари итт.методӣ Шўрои методӣ
4 Дида баромадани вазъи рўзномадорӣ ва мутобиқати баҳои рўзнома бо журнали синфӣ Ҳафтаи дуюм Муовини директор Суҳбати фардӣ бо роҳб. синф
5 Назорату фаъолияти маҳфилҳои фаннӣ Ҳафтаи чорум Муовини директороид ба корҳои тарб. Ҷаласаи назди директор
ДЕКАБРНазорати иҷрои барномаҳои давлатӣ аз ҳамаи фанҳои таълимӣ Ҳафтаи сеюм Муовини директор Шўрои педагогӣ
1
2 Назорати вазъи таълими фанни биология дар синфҳои 6-7 Ҳафтаи якум Роҳб.Шўрои методӣ Шўрои методӣ
3 Назорати умумӣ: вазъи таълиму тарбия дар нимсолаи аввал Ҳафтаи чорум Муов. дирек.  гурўҳи назорат Шўрои методӣ
4 Санҷиши таълими корҳои амалӣ ва лабораторӣ аз фанҳои физика, химия дар синфҳои 9-11 Ҳафтаи дуюм Муовини директор Маҷлиси назди муовин
5 Корҳои санҷишии  маъмурӣ аз фанҳои забони модарӣ ва алгебра дар синфҳои 2-9 Дар давоми моҳ Муовин, роҳб. ит. мет.гурўҳи назорат Шўрои педагогӣ
6 Ҳолати таълими фанни физика дар синфи 7 Ҳафтаи дуюм Шўрои методӣ Ҷаласаи назди директор
ЯНВАРВазъи ташкил ва гузаронидани хонишҳои педагогӣ, курсҳои такмили ихтисос, семинарҳои дастурдиҳӣ ва мизи мудаввар Ҳафтаи чорум Муовини директор Ҷаласаи назди директор
1
2 Таҳлили нақшаҳои тақвимӣ-мавзўӣ ва барои тасдиқ пешниҳод намудани онҳо Ҳафтаи дуюм Муовин роҳб. ит. методӣ Ҷамъомади Шўрои методӣ
3 Ташкилу гузаронидани дарсҳои иловагӣ ва назорати он Ҳафтаи сеюм Муовини директор Суҳбати фардӣ бо омўзгорон
4 Натиҷагирӣ аз вазъи мусобиқаҳои варзишӣ ва фаъолияти сексияҳои варзишӣ Ҳафтаи чорум Муовини директор оид ба тарбия Ҷамъомади Шўрои методӣ
5 Назорати мутолиаи китобҳои бадеӣ дар таътили зимистона Дар давоми моҳ Муовини директор, омўзгорони фаннӣ Ҷамъомади назди муовин
1 ФевралҲолати таълими забони русӣ дар синфҳои 5-11 Ҳафтаи сеюм Муовини директор, Ҷамъомади Шўрои методӣ
2 Назорати мавзўӣ: « Натиҷаи кори омўзгорони тарбияи ҷисмонӣ ва омодагии ибтидоии ҳарбӣ» Дар давоми моҳ Муовини директор оид ба тарбия Ҷаласаи назди директор
3 Назорати тарзи  корбарӣ бо хонандагони лаёқатманд Ҳафтаи якум Муовини директор   Шўрои методӣ
4 Санҷиши давомоти  хонандагон дар синфҳои 7-11 Ҳафтаи чорум Раиси созмони талабагӣ Маҷлиси назди муовин
5 Назорати вазъи тозагӣ, гармӣ, равшании синфхонаҳо ва кабинетҳои фаннӣ Ҳафтаи дуюм Муовини директор оид ба тарбия Ҷамъомади назди директор
6 Санҷиши вазъи таълими фанҳои технология (меҳнат) ва технологияи иттилоотӣ Ҳафтаи сеюм Гурўҳи назорат сифати таҳсилот Ҷамъомади назди муовин
7 Тарзи гузаронидани маҷлиси падару модарони хонандагони синфҳои 9-11 Ҳафтаи чорум Муовини директор Кумитаи падару модарон
                   МАРТСанҷиши тарзи баҳогузории омўзгорон ба дониши  хонандагон дар журнали синфӣ Ҳафтаи чорум Муовини директор Маҷлиси назди муовин
1
2 Назорати мавзўӣ: «Тарзи муошират дар дарсҳои забони хориҷӣ ва русӣ» Ҳафтаи дуюм Муовини директор Ҷаласаи назди директор
3 Назорати фронталӣ: «Назорати таълими фанни математика дар синфҳои 5-9» Ҳафтаи якум Гурўҳи сифати таҳсилот Маҷлиси назди муовин
4 Натиҷагирӣ аз корҳои беруназсинфии омўзгорони фанҳои равияи гуманитарӣ Ҳафтаи сеюм Муовин оид ба корҳои тарбия Шўрои методӣ
5 Вазъи таълими фанни алгебра дар синфҳои 9-11 Ҳафтаи чорум Роҳ. ит. методӣ Шўрои методӣ Шўрои

методӣ

                 АПРЕЛ1.Санҷиши вазъи таълими фанҳои забон ва адабиёти тоҷик Ҳафтаи сеюм Муовини директор Ҷаласаи назди директор
2 Ҳолати таълими фанҳои таърих ва ҳуқуқи инсон дар синфҳои 9-11 Ҳафтаи якум Гурўҳи назорати сифати таълим Ҷамъомади наздимуовин
3 Санҷиши сатҳу сифати дониши хонандагони синфи 9 аз фанҳои забони давлатӣ, англисӣ ва русӣ Ҳафтаи чорум Муовини директор Ҷаласаи Шўрои педагогӣ
4 Натиҷагирӣ аз фаъолияти роҳбарони иттиҳодияҳои методӣ Ҳафтаи дуюм Муовини директор Ҷаласаи Шўрои методӣ
5 Натиҷаи худомўзии омўзгорон Ҳафтаи сеюм Муовини директор Шўрои методӣ
6 Санҷиши таҷрибаивазкунии омўзгорон, иштироки онҳо дар дарсҳои якдигар Ҳафтаи чорум Роҳб.Шўрои методӣ ва роҳб. ИМ Ҷаласаи назди директор
                   МАЙНатиҷагирӣ аз кори омўзгороне, ки ба қабули синфи 1-ум ҷалб гардидаанд Ҳафтаи аввал Муовини директор Суҳбати фардӣ бо гурўҳи корӣ
1
2 Санҷиши омодагии муассисаи таълимӣ ба аттестатсияи хатм ва аз синф ба синф гузаронидан Дар давоми моҳ Муовини директор Шўрои методӣ
3 Назорати баҳои воқеии омўзгорон ба дониши хонандагон ва тарзи ҷамъбасти баҳои солона Ҳафтаи чорум Гурўҳи назорати сифати таҳсилот Ҷаласаи назди директор
4 Назорати иҷрои барномаҳои таълимӣ дар  синфҳои 5-11 Ҳафтаи сеюм Муовини директор Шўрои методӣ
5 Корҳои хаттии маъмурӣ аз фанҳои таълимӣ дар синфҳои 2-11 Дар давоми моҳ Муовин ва гурўҳи назоратӣ Шўрои методӣ
6 Назорати омодагии хонандагони синфҳои 9 ва11 ба аттестатсияи хатм. Дида баромадани саволҳои иловагӣ Ҳафтаи якум Муовин ва роҳб. ит. методӣ Ҷаласаи назди муовин
7 Ташкил ва тарзи гузаронидани маҷлиси падару модарон Ҳафтаи чорум Муовини директор оид ба тарбия Кумитаи падару модарон
8 Натиҷаи кори омўзгорон бо хонандагони лаёқатманд Ҳафтаи чорум Муовини директор Ҷаласаи назди директор

 

         Эзоҳ: маъмурияти муассисаҳои таҳсилоти миёнаи умумӣ метавонанд бо назардошти имконоту шароити муассисаи худ дар нақша тағйироту иловаҳо ворид намоянд.

Нақшаи назорати дохилимактабӣ тавре тартиб дода шавад, ки фаъолияти роҳбарон тибқи вазифаҳои хизматиашон амалӣ гарданд, назорату санҷишҳо,ҷамъомаду чорабиниҳо болои ҳам ва мувозӣ (параллелӣ) барпо нагарданд.

Дар муассисаи таълимӣ бояд журнали қайду эзоҳ ва супоришҳои назорати дохилимактабӣ мавҷуд бошад. Дар журнал хулосаи умумӣ, натиҷаи санҷиши ҳаматарафа (фронталӣ), тематикӣ-мавзўӣ ва фикру мулоҳизаҳо дар бораи бартараф намудани камбудиҳо навишта мешаванд. Агар гурўҳи назорати сифати таҳсилот ё роҳбарони иттиҳодияҳои методӣ бо супориши директор дониши хонандагонро санҷида бошанд, бояд дар бораи натиҷаи санҷиш, сифати дониши хонандагон маълумотномаи муфассали таҳлилӣ пешниҳод намоянд.

Тафтишкунанда ё санҷишгар дар асоси таҳлили дарс, чорабиниҳои тарбиявӣ ба муаллим  маслиҳатҳои методии аз ҷиҳати илмӣ асоснок ва дақиқ медиҳад, муҳлати бартараф намудани камбудию норасоиҳоро низ муайян менамояд. Дар вақти  таҳлил, гуфтугў бо устодону омўзгорон одоби муомилаю муошират, психологияи омўзгор ба ҳисоб гирифта  мешавад.

Назорати дохилимактабӣ дар беҳтар ба роҳ мондани  кори омўзгорону роҳбарони синф, роҳбарони маҳфилҳои фаннӣ, роҳбари Созмони хонандагон, мудири китобхона кўмак  расонида, баҳри беҳтар шудани сифати таълиму тарбия, баланд бардоштани сатҳи дониши хонандагон мусоидат менамояд. Инчунин, санҷишгар-мушоҳидачӣ дар он журнал (дафтар) фикру мулоҳизаҳои худро дар бораи кори маҳфилҳо, тарзи гузаронидани чорабиниҳои тарбиявии пасаздарсӣ, ҷамъомадҳои пагоҳирўзӣ, сифати маҷлисҳои синфӣ, дарсҳои кушоди тарбиявӣ, машғулиятҳои факултативӣ ва дигар чорабиниҳоро қайд мекунад.

Дар санҷишҳои минбаъдаи кори таълиму тарбия ва дигар чорабиниҳои берун аз синфӣ директор (муовинони ў) ҷиҳати иҷрои супоришҳои қаблии худ дар самти баланд бардоштани сатҳи дониш, беҳтар ба роҳ мондани вазъи таълиму тарбия бояд аҳамият диҳанд ва натиҷаи онро аз шахси масъул пурсон шаванд. Супоришҳои минбаъда низ дар дафтар қайд карда мешаванд.

Барои амалӣ намудани талаботи ягона директор ва муовинони ў бояд дар мувофиқа ба дарсҳо ва чорабиниҳо якҷоя иштирок карда, камбудиҳоро ошкор намуда баҳри рафъи он тавсияю маслиҳатҳои методии судманд диҳанд. Журнал (дафтарҳои) назорати дохилимактабӣ ҳуҷҷати расмӣ маҳсуб ёфта, дар утоқи кории  муовини директор оид ба корҳои таълим нигоҳ дошта мешавад.

Хуллас, назорати дохилимактабӣ дар мустаҳкам намудани сифату самаранокии таҳсилот, баланд бардоштани сатҳи дониш, маҳорату малакаи хонандагон, рушди хадамоти методӣ, беҳтар шудани фаъолияти омўзгор нақши муассир дорад.

                                                    

                                        М.Атаева – мудири шуъбаи таҳлил, таҳияи           тест  ва таъмини муассисаҳои таълимӣ бо

маводи таълимию методии МҶТМ-и назди

Вазорати маориф ва илми ҶТ             

                                                             Б.Ҳайдаров- мутахассиси МҶТМ

Добавить комментарий

Ваш e-mail не будет опубликован. Обязательные поля помечены *